යුක්ති‍යේ මූණු බැඳ
කොටි නගුට සඟවමින්
යු‍රෝපීය රූකඩයා
රට පෝරකයට ගෙනියන්න
දඬු කඳක් ගෙනැල්ලා
අපේ සිහලයා
තවමත් මර නින්‍‍දේ
එකි‍නෙකා මරා‍ගෙන
කෙළ හළයි
බලයට
එදා ඔබ කී දේ
සැබෑ වන්නට
ළඟයි දැන්.....
ජාති‍යේ අවසානයද මේ?
නගුට අකුලාගෙන
වකුටු වී බුදියන
අලස සිහලයා
නැගිටවන්නට
අවදි කරමින් ම‍ගේ දේශය
දම්පල් හිමියනි
වඩිනු මැන..........
මාළුවා‍ගේ සිට වැසිකිළිය තෙක්කප්පම් එකතු කරනවලු
අගනුවර පමණක් දිනකගබ්සා දහසක් ලු
බොදු නගර සියල්ලේමසුරා සැල් ඇරලාලු
කැසි‍නෝ ගහන්නට වෙනමවීදියක් හදනවලු
බැලු බැලු සැම අතසම්බාහන ගුබ්බෑයම්ලු
අ‍නේ ඉතින්
මුං රකින පිළි‍වෙත්!
මැඳුරු දොරකඩ පිලක ඉහිරෙන
බත් පතක රස බලන හිතකට
උන්ගේ කරුමය කියනු වෙනුවට
නැතිද ලෙංගතු වදන් හිත අග
හිතක නිකැළැල් වේදනාවන්
දකින තුරු බිඳ චේතනාවන්
උන් ලගින අතු පැලක අහලින්
වැඩ සිටීවිද දේවතාවන්
පන්සලේ බණ මඩුව කොනකින්
උන්ට ඉඩ නැති අරුම දකිමින්
සරණ තිසරණ නොදැක රහසින්
උන් දකීවිද නිවන් කෙලෙසින්
මෙහි මුල් කොටසට මේ සබැඳිය හරහා පිවිසිය හැකියි.
හෙවනැලි නැති මිනිස්සු 1කොටස
හරි මට මතකයි... කඳුළු කැටයක් වැටුණේ නැති වුණාට ඇස් මත තුනී කඳුළු පටලයක් ඉක්මණින් මතු වුණා.
ඇයි එහෙම වුණේ කියල මට ඒ වෙලාවේ හිතන්න ඕන වුනේ නැත්තේ උඹේ වරදින්, හෘද සාක්ෂිය. ඔව්, උඹේම වරදින්.
මොකද උඹ මට පුරුදු කරලා, කියලා දීලා තිබුණේ නෑනේ අනෙක් අයගේ හැඟුම් වලට කිමිදිලා ඒක එහෙම වෙන්නේ ඇයි කියලා හිතන්න ඕනේ කියන දේ!
මම ඒවා පස්සේ ඉගෙන ගත්තේ තනිවමයි-ඇත්තම කීවොත් ඒවා දැන ගත්තේ මේ ඊයේ පෙරේදා.
බණ්ඩා රාළහාමි වංගුවට ඉහළින් පඳුරු අතර සැඟව රැක සිටී. බෑවුම් මග ඔස්සේ පණ ඇද ඇද කන්ද නගින ලොරියක් හෝ බසයක් දකින ඔහුගේ සිත සතුටින් ඉල්පෙයි. වංගුවෙහි වාහන හතරක් වුවද එක පෙළට ගමන් කිරීමට තරම් ඉඩ තිබුණද එහි ද්විත්ව ඉරි ඇඳ ඇත. බණ්ඩා රාළහාමි බලා සිටින්නේ කවුරුන් හෝ වාහනයකට ඉස්සර කරනතුරුය.
පලපුරුදු රියදුරෝ මේ අඩවියේ පොලිසියෙන් සිටින බව දන්නා නිසා ප්‍රවේශමෙන් යති. එවන් වාහන දෙස බලන බණ්ඩා රාළහාමි අවඥාවෙන් කෙළ ගසයි:
"තුඃ, නොදකිං!"
සිකුරාදා රාත්‍රී සිට සෙනසුරාදා උදෑසන දක්වාත්, ඉරිදා රාත්‍රී සිට සඳුදා උදෑසන දක්වාත් රාජකාරි කිරීමට බණ්ඩා රාළහාමි ඉතා ප්‍රිය කරයි. දුර බැහැර නැවතී සේවය කරන හදිසිකාරයන් නිවෙස් බලා එන්නේ මේ වේලාවන්ටය. මේ මුරවලට රාජකාරි යෙදී ඇත්නම් බණ්ඩා රාළහාමිගේ මනෝභාවය සතිය පුරා ඉතා යහපත් මට්ටමක පවතියි. ඒ අනුව ඔහුගේ සේවාමුරය කුමක්ද යන වග අඹුදරුවන් පමණක් නොව, කඩ මණ්ඩියේ මුදලාලිලා පවා අනුමාන කරති.
වසර දහයකට මඳක් වැඩි සේවාකාලයකට හිමිකම් කියන බණ්ඩා රාළහාමි සිය පළපුරුද්දට සරිලන සේ හැකියාවන් දියුණු කරගත්තෙකි. වාහනයක් දකිනවිට එහි ගමන් ගන්නේ ප්‍රභූවරයෙක්ද, මධ්‍යම පන්තිකයෙක්ද යන්න ඕනෑම බූරුවෙකුට කිව හැක. නමුත් වාහනයෙන් බසින මිනිසා දෙස හෙළන එක බැල්මෙන් ඔහු කෙතරම් මුදලක් විසි කරයිද, දඩයක්ම ගෙවීමට තරම් දැඩි සිතක් ඇත්තෙක්ද, වැට උඩ සිටින්නෙක්ද, මෙලොව හසරක් නැත්තෙක්ද යන වග බණ්ඩා රාළහාමිට ඉලක්කෙට කිව හැක.
මෙලොව හසරක් නැති ජාතිය, එනම්, පගාව යන සංකල්පය අසා ඇතිමුත් එහි ප්‍රායෝගික භාවිතය නොදන්නා පිරිස, දකිනවිටම දඩ කොළයක් ලියා දීම ඇතැමෙකුගේ සිරිත වුවද, බණ්ඩා රාළහාමි එසේ නොවේ.
